शिक्षकांच्या शांत, निष्ठावान कार्याला हक्काचा सन्मान

शिक्षण हा समाजाच्या विकासाचा मजबूत पाया आहे. शिक्षक विद्यार्थ्यांचे भविष्य घडवण्याचे महत्त्वाचे काम करत असतात — संस्कार, ज्ञान आणि योग्य मार्गदर्शन देऊन ते देशाचे आदर्श नागरिक घडवतात.

इतर व्यवसायांत निवृत्तीनंतर व्यक्ती "माजी" ठरतात, पण शिक्षक आयुष्यभर विद्यार्थ्यांच्या मनात "माझे शिक्षक" म्हणूनच राहतात. अनेक गुणवंत व मेहनती शिक्षक मात्र पुरस्कारांपासून वंचित राहतात व त्यांचे कार्य समाजापर्यंत पोहोचत नाही — याच पोकळीसाठी अ‍ॅस्पायर फाउंडेशनने हा उपक्रम सुरू केला आहे.

• राज्यातील १०० शिक्षकांची "राज्य आदर्श शिक्षक" म्हणून निवड
• प्रत्येक जिल्ह्यातील १० असे एकूण ३६० शिक्षकांची "जिल्हा आदर्श शिक्षक" म्हणून निवड
• प्रत्येक तालुक्यातील उत्कृष्ट शिक्षकाला "तालुका आदर्श शिक्षक" पुरस्कार
• इतर सर्व सहभागी शिक्षकांना मंचावर मान्यवरांच्या हस्ते पुरस्कार
• निवडक शाळांना डिजिटल साहित्य देणगी स्वरूपात

तज्ज्ञ समितीमार्फत पारदर्शक छाननी

आलेल्या सर्व प्रस्तावांची छाननी व शिक्षकांची निवड पारदर्शक पद्धतीने केली जाते. सर्व प्रस्तावांची डिजिटल नोंद एक वर्षासाठी जतन करून ठेवली जाते.

नगरपालिका, महानगरपालिका, जिल्हा परिषद तसेच राज्य किंवा केंद्र शासनाचा आदर्श शिक्षक पुरस्कार प्राप्त शिक्षकांनी कृपया या पुरस्कारासाठी प्रस्ताव दाखल करू नयेत — जेणेकरून अद्याप संधी न मिळालेल्या गुणवंत शिक्षकांना वाव मिळेल. असे शिक्षक दूरध्वनी किंवा ई-मेलद्वारे संस्थेला मार्गदर्शन करू शकतात.